‘A mamma mij
 
Si nat puverell ‘a na famiglia ‘e brava gent
e si cresciuta bell ma chiena ‘e stient.
‘A fatic nun t’ha maje fatt paur e te fèrmav sul quann ‘a sera era  tutto scur.
Pur l’istruzione ‘e sacrificato,  appen à terza elementare… e ra’ scol t’hanno levato.
Però te piacèv ‘a studià : leggere, scrivere e  cuntà…
tant ca ancor oggi nun pierd occasione  ppe mo raccuntà!
Sgrani chelli duje uocchi verde speranz e cu nu sorris me spiegh comm si jut annanz.
Nun te si maje avvlut,  ma cu ‘a facc e l’anema pulita
‘e fatt ogni sagliuta ‘e chesta vita.
Io nun sacc comme, ancor nun m’ o’ spieg,
ma tutte sti malepatenz nun t’ hanno marturiat.
 No, anzi, t’hanno fatt  na’ femmena esaggerat, ‘a faccia ra ‘mmiria ‘e l’at.
Crireme, no sul ppo ricere,
 ma si chiù bell tu,  ca nu quadro ‘e vernice.
‘E che dono ‘e Dio,  po’, è l’anema toja gentìl,
maie arraggiat verament, mai invidiosa, ma sempe pronta ‘a regalà surris.
Si ‘na femmena ‘e mezza parola  ma aie  saputo rà sempe tutt ‘o core.
O’ marit tuoj, da omm l’he fatt signor e po’ l’he regalat cinque principesse belle comm ‘o sole.
Ppe ultimo facist a me, pecché servev nu principe pure ppe tè,
e chist onore nisciun m’ o’ lev.
Io sto ‘ca, regina mij,
pure si spiss t’aggia rat mille pensier,
ma ‘po bastava ‘na carezz, ‘pe ce vulé chiù bben ‘ra aier.
Io sto ‘ca, mamma mia, e nun ta lass ‘a man,
pecché ci amma vulé bbene pure riman.



Giuseppe Teodonno